Etter at Siavash Mobasheri på landsmøtetalarstolen kalla Stoltenberg for «krigsforbrytar», ynskjer Aftenposten ein semantisk debatt om ein kan nytte termen «krigsforbrytar» om ein person som ikkje er dømd for dette. I Dagsnytt atten 2. mai forsvarer politisk redaktør Alstadheim at vinklinga er relevant, først og fremst for påverknaden det har for bystyrepolitikken i Oslo. Det er umusikalsk – for ikkje å seie tonedøvt – og kanskje demonstrativt for ein form for norsk eksepsjonalisme (som ein vanlegvis reserverer for amerikanarane) når den norske Libya-debatten startar og sluttar der.