Jordbrukstingingane handlar om dei inntektene som skal vera oppnåelege for bøndene, i form av prisar og tilskot. Men jordbrukspolitikken som Stortinget vedtek, handlar om kva slags matforsyning Noreg skal ha til ei kvar tid. No dreg jordbrukstingingane og jordbrukspolitikken i kvar si retning. Det er kjernen i konflikten som har oppstått mellom staten og faglaga, Norges Bondelag og Norsk Bonde- og Småbrukarlag.