Mykje går bra i maritim sektor for tida, skal vi tru «Maritim verdiskapings­rapport 2023», utarbeidd av Menon Economics for Maritimt Forum. Det er likevel eitt stort unntak: dei store nybyggs­verfta. Dei små og mellomstore verfta får oppdrag frå mellom anna havbruksnæringa. Dei byggjer og reparerer fiskebåtar og har hatt positiv lønsemd dei siste åra. Men dei store verfta har tapt pengar kvart år sidan 2017. I botnåret 2018 var lønsemda på minus 20 prosent, men no nærmar dei seg minus 5 prosent.