KRIM: Fordi mange ekstremistar har psykiske lidingar, må helsevesenet lettare kunne dele informasjon med politiet, meiner Politiets tryggingsteneste (PST). – I samarbeidet med helsetenestene erfarer PST at moglegheita helsetenestene har til å utlevere opplysningar ofte blir hindra av teieplikta. PST meiner det er behov for å avklare grensa mellom teieplikta til helsetenestene og omsynet til politiets og PSTs behov for helseopplysningar for å verne viktige samfunnsinteresser, heiter det i ein rapport som vart lagt fram i går. Rapporten gjentek dermed eit poeng som også vart ytra frå PST-sjef Roger Berg i etterkant av skytinga i Oslo 25. juni.©NPK