DISKRIMINERING: Likestillings- og diskrimineringsombodet fekk rundt 500 fleire førespurnader i fjor enn i 2020, medan Diskrimineringsnemnda hadde ein auke på heile 77 prosent. Auken for Likestillings- og diskrimineringsombodet svarte til om lag 25 prosent. Likestillings- og diskrimineringsombod Bjørn Erik Thon fortel til Rett24 at dei framover skal nå endå fleire. – Spesielt grupper som i lita grad kontaktar oss i dag, seier han. Diskrimineringsnemnda, som ligg under Likestillings- og diskrimineringsombodet, fekk inn 512 saker i 2021, opp frå 289 saker i 2020. 20 av klagene i 2021 var knytt til kjønnsidentitet og seksuell orientering. ©NPK