No livnar det i lundar, og ein heil del reiseguidar skal ut til sumars tid. Éin av dei er av det appellerande slaget: Gunnar Garfors’ nye bok i «Bortom allfarveg»-serien har Vestlandet trykt i forgylte bokstavar langs bokryggen, og framsida lokkar med dei grasiøse Kossdalssvingane på Osterøy. Boka er merkt med Skald-logoen, og såleis form- og utgitt av forlaget som lagar dei finaste bøkene her til lands. Dette mønstrar mykje velvilje hos meg.