Politisk krim på direkten framfor kamera.
(USA, 2022)
Regi: Daniel Roher
Med: Aleksej og Julia Navalnyj, Maria Pevtsjikh, Christo Grozev
Språk: Engelsk/russisk, uteksta
Sjanger: Dokumentar
Lengde: 1 t. 38 min.
Vist på: Oslo Dokumentarkino på Vega kl. 18.00 i kveld. Kjem på HBO Max.
«Eg trudde at kjendisstatusen ville gje meg betre tryggleik», seier den russiske opposisjonspolitikaren Aleksej Navalnyj til den kanadiske dokumentaristen Daniel Roher. «Der tok du kraftig feil», konstaterer filmskaparen. «He, he. Ja, det gjorde eg», gliser Navalnyj breitt. Intervjuet er gjort medan han var rekonvalesent i Tyskland vinteren 2021, etter så vidt å ha overlevd novitsjokforgifting i Russland den 20. august 2020.
