Etter vinterkrigen og framhaldskrigen var Finland eit utarma land, med over 90.000 krigsdøde, mange skadde, enker og farlause barn, øydelagde bygningar og tapte landområde. Fredsavtalen gjorde at dei måtte avstå Vest-Karelen, 11 prosent av landet, til Sovjet. Landet miste også Petsamo med nikkelgruver og isfri hamner i nord. 400.000 menneske flytte frå Karelen til rest-Finland og måtte få nye bustader og levebrød.