Du kan bla til neste sideBla med piltastene

«Spencer» gjer Diana-mytologien til ein fabel, som opnar for å drøfta kvinneleg ikonstatus.

Mytterist og martyr

MeldingGuri Kulås
VED SPELBORDET: I «Spencer» framstiller Kristin Stewart prinsesse Diana som ei fortvilt kvinne som enno har ein livgjevande gneiste av trass i seg. FOTO: YMER MEDIA

Spekulativ på ein fruktbar måte.

(Storbritannia/Tyskland/Chile, 2021)

Regi: Pablo Larraín.

Manus: Steven Knight.

Med: Kristen Stewart, Sally Hawkins, Sean Harris, Timothy Spall.

Sjanger: Drama.

Lengde: 1 t. 57 min.

Vist på: Kino.

Chilenske Pablo Larraín er i ferd med å spesialisera seg på å konstruera nye bilde av moderne, internasjonale ikon. Etter Jackie Kennedy følgjer prinsesse Diana, og vi anar alt no at Larraíns tøying av ein populær mainstream-sjanger som den biografiske filmen kan ha verdi for vårt syn på historiske kvinner. Og vonleg også på kvinneroller i film, som framleis blir filtrerte og karikerte gjennom gamle og tettvovne medie- og samfunnsspesifikke kjønnsstereotypiar.