Mus jaktar på biller, revar jaktar på mus, og menneske jaktar på revar. Slik har det alltid vore, så når Lise Mus tøffar seg for flokken med å nappa ein pelsdott av den sovande Snøpels Rev, har både vi og venene hennar all grunn til å frykte det verste. Sjølvsagt vaknar reven, og Lises triumf blir til rask retrett, men så skjer det noko uventa, som får hierarkiet av bytte- og rovdyr til å velta.