Opprullinga av sexovergrepa til sjarlatanen Jean-Claude Arnault er ikkje berre den største metoo-avsløringa i Norden til no. Eksponeringa, som starta med vitnemåla til 18 kvinner i avisa Dagens Nyheter i 2017, er også ein av dei største kulturskandalane på lang tid. Journalisten som dekte saka for The New York Times, seier det slik i den nye dokumentarserien «The Prize og Silence»: Dette galdt ikkje berre eit filmproduksjonsselskap, som i Harvey Weinstein-saka. Det galdt den mest prestisjefylte litteraturprisen i verda. Korleis kunne det skje – i jamstillingslandet Sverige?