«Tre nøtter til Askepott» fungerer som underhaldning, men manglar ambisjonar for eventyrfornying.
Ei strålande hovudrolle får anakronismane til å bleikna.
Regi: Cecilie A. Mosli.
Manus: Anna Bache-Wiig, Karsten Fullu, Kamilla Krogsveen, Siv Rajendram Eliassen, basert på Frantisek Pavlíceks og Václav Vorlíceks «Tri orísky pro Popelku».
Med: Astrid Smeplass, Cengiz Al, Thorbjørn Harr, Ellen Dorrit Petersen, Bjørn Sundqvist, Kristoffer Hivju, Nader Khademi, Anne Marit Jacobsen, Jonis Josef, Ingrid Giæver, Sjur Vatne Brean, Arthur Hakalahti, Nasrin Khusrawi.
Aldersgrense: 6 år.
Lengde: 1 t. 35 min.
Det er ikkje mindre enn eit folkekrav som har gjort den tsjekkoslovakiske eventyrfilmen «Tre nøtter til Askepott» (1973) til norsk juletradisjon på NRK. Filmen med Knut Risans einmannsdubbing vart vist første gong i 1975, og – utruleg nok – har nettopp denne versjonen overlevd både tv-monopolet, skiftande underhaldningstrendar og ei digital restaurering av 70-talsklenodiet.
