KAMP: Denne veka har fylkeslaga i KrF levert innspel til kven som bør bli ny partileiar. Dag-Inge Ulstein ser ut til å liggje mykje betre an enn Olaug Bollestad.

KrF-leiar Kjell Ingolf Ropstad måtte motvillig gå av som partileiar for nokre veker sidan. No skal det allereie kriseråka partiet velje ny leiar i hui og hast, og denne veka gjekk fristen ut for fylkeslaga til å levere sine første innspel til valnemnda om kven som bør ta over etter Ropstad.