Ei hytte bør ha plass til familien eller den næraste vennekrinsen. Ligg hytta nær sjø eller fjord, er det bra med stutt veg til badestrand og båtplass. Ligg ho i fjell eller skog, er det bra om brukarane kan spenne på seg skiene ved hyttedøra. Men fordi fastbuande og hyttefolk må dele naturen med anna liv, bør også hytter planleggjast slik at den siste stubben fram i sårbar natur berre er gangveg, at gjester stundom må sove fleire i same rom, at området rundt huskroppen blir verande urørt og at hytteferie også er å gjere noko fysisk arbeid, som å trø veg i snø, bere bagasjen fram, hente vatn i bekken eller hogge småved.