NARKOTIKA: Eidsivating lagmannsrett må ta stilling til ein anke etter ein heroindom på nytt. Høgsteretts ankeutval meiner synet på straff for rusmisbrukarar har endra seg. Saka dreier seg om ein dom frå Gjøvik tingrett. Ein mangeårig rusmisbrukar i 30-åra vart dømt til 54 dagars fengsel for å bruke og bere fire gram heroin. Eidsivating lagmannsrett ønskte ikkje å behandle ein anke over straffeutmålinga. Høgsteretts ankeutval har likevel oppheva avgjerda. Grunnen er at fleire rettsavgjerder i Noreg den siste tida har vektlagt endra oppfatningar av straff som verkemiddel i rusbehandlinga. ©NPK