VENSTRE: Leiar Guri Melby har ikkje panikk før landsmøtet til Venstre, sjølv om partiet framleis vaker rundt tre prosent og rusreforma er på usikker grunn. – Heilt sidan vi tok over, har vi vore tydelege på at det kjem til å ta tid for Venstre å snu ei negativ utvikling som har vara ei stund, sa Melby på ein pressekonferanse måndag, før landsmøtet til partiet kommande helg. Svaret kom på eit spørsmål om kva partiet har igjen i verktøykassa før valet i haust. Sidan Melby vart vald som partileiar i haust, har Venstre i gjennomsnitt lege an til å behalde berre to mandat på Stortinget – partileiarens eige i Oslo og nestleiar Abid Rajas mandat i Akershus.©NPK