«Sommeren ’85» er i si kjerne eit kjent identitets-melodrama om den første, smertefulle døden og kjærleiken, om den kjenslevare 16-åringen Alexis’ (Félix Lefebvre) lagnadstunge møte med den 18-årige naturkrafta David (Benjamin Voisin). Med å la dei tidlause hendingane spela seg ut i 1985, har regissør François Ozon (53) kanskje også laga filmen han sjølv gjerne skulle sett då han var i dei mest krevjande tenåra. Det vitnar handteringa av den homoseksuelle tematikken og det presise stemningsbildet frå 80-tals ungdomsliv om.