Dei politiske protestane mot rasisme og politivald har gjort 2020 til eit merkeår i amerikansk politisk historie. Samstundes har president Donald Trumps reaksjon på demonstrasjonane skarpstilt skismaet mellom svart avmakt og kvit makt i USA: Presidenten (og Det republikanske partiet) freistar å bruka bilda av kollektiv, svart protest for å skremma kvite forstadsveljarar til å røysta på Trump, jamvel om det ikkje finst tvil om at det er svart underklasse og ikkje kvit middelklasse som er truga på livet i USA.