Eg vedstår meg omgrepa eg 15. april bruka om inntrykket Bjarne Flølo gav 24. mars. Haldningane debattantar syner, er eit sakleg debattgrunnlag, so sant fakta og sakvurderingar ikkje kjem i skuggen. Det gjorde dei ikkje i svaret mitt. Flølo trur ikkje på dei fakta eg omtala. Men primærhelsetenesta i Vinje er dimensjonert til å takle normal sjukdom- og skadetilstand både hjå innbyggjarane og hyttegjestene, i påska supplert av Raudekrossen. Det hjelper ikkje at Fylkesmannen stør Flølo sin insinuasjon om at det ikkje er sant. Dei tek båe feil.