TØRKE: Koronasituasjonen fører til mindre dop i gatene. Doptørken kjem truleg av strengare grensekontroll mot Danmark og Sverige på grunn av koronakrisa. Ifølgje politiet har delar av rusmiljøet vorte meir ampert som følgje av mangel på narkotika, skriv NRK. – Dei er meir aggressive fordi dei ikkje får tak i dosen sin. Det blir misnøye i miljøa, seier Håvard Sharma-Sundheim i Oslo politidistrikt. – Det er i utgangspunktet positivt at tilgangen på narkotika går ned, men vi kan få nokre kortsiktige negative konsekvensar. Som auke i inndriving av gjeld, vald internt i miljøet, og meir vinningskriminalitet, seier seksjonsleiar Torgeir Winsnes i Agder politidistrikt. ©NPK