På eit par punkt i oppslaget «Motstandsmannen Camus» (Klassekampen 18. mars) gir danske Niels Ivar Larsen ei sterkt misvisande historieframstilling. Larsen hevdar at brotet mellom Camus og Sartre (1952) skreiv seg frå Camus’ avvising av ideen «proletariatets diktatur». Det stemmer ikkje. Striden hadde sitt opphav i ein kritikk av Camus’ bok «Opprøreren» (1951), skrive av ein medarbeidar av Sartre, i Les Temps Modernes i 1952. Etter eit hissig svar frå Camus, retta direkte til Sartre, blei Camus nærmast kvesta av Sartre, der han sa farvel til det ti år lange vennskapet.