Ti unge kvinner og menn reiste frå Firenze i 1348 og la seg til på eit slott på landsbygda. Der isolerte dei seg i ti dagar, og fortalde kvarandre historier. Dette er ramma for historiene i «Dekameronen», litt som rammeforteljinga i «1000 og ei natt». Dei flykta frå pesten som var komen til Firenze. Å reisa sin veg blir ofte sett som det rette å gjera når fare trugar. Nett det gjer faren ekstra stor når det dreiar seg om pest. I dag trur me at svartedauden hadde sitt opphav ein eller annan stad i det kinesiske området, kanskje i dagens provins Hubei, og blei spreidd vestover med trafikken langs silkeveien.