DØDSFISK: Giftige algar fekk det til å «regne dødsfisk» i Nordland og Troms i mai og juni. Tapet av oppdrettslaks har aldri vore høgare enn i fjor. Alvorleg, men stabil. Slik samanfattar Veterinærinstituttet helsetilstanden for oppdrettsfisk i Fiskehelserapporten 2019. I rapporten kjem det fram at 59,3 millionar oppdrettslaks gjekk tapt i fjor. Det er det høgaste talet nokosinne. Fiskedød utgjorde 89 prosent av tapet – tilsvarande 52,8 millionar laks. Skadeverknader av behandling mot lakselus blir framleis sett på som den største utfordringa for fiskehelsa i Noreg. Veterinærinstituttet er klar på at næringa kunne gjort meir for å betre fiskehelsa. ©NPK