Heilt frå den italienske forfattaren Carlo Collodi gav ut boka om tredokka Pinocchio i 1883, har eventyret fascinert generasjonar av både barn og vaksne. Historia om snikkaren og dokkemakaren Gepetto som så inderleg ønska seg ein son, og som opplevde at ei av dokkene hans blei levande, har gitt rom for eit utal ulike tolkingar. Den ganske snille Disney-versjonen der det viktigaste er at du ikkje skal lyge, for då veks nesa di, er nok mest kjend, men originalen til Collodi er langt meir morbid og har mange fleire lag.