Dei raude motstandskjemparane Asbjørn «Osvald» Sunde og Ragnar «Pelle» Sollie vart kalla «partisanhøvdingar» av leiinga i kommunistpartiet under oppgjeret som kløyvde NKP i 1949. Sunde var med sine røynsler frå den spanske borgarkrigen ein partisan god som nokon, men i den norske krigshistoria var partisanhøvdingane å finne i andre enden av Europa-kartet. Under 75-årsfeiringa av den sovjetiske frigjeringa av Aust-Finnmark neste veke vil partisanane bli hylla etter forteneste, men slik har det ikkje alltid vore.