Pedro Carmona-Alvarez

Refrenger. Tekster om stemmer og avtrykk

Litteratur

Kolon Forlag 2019, 302 sider

I det innleiande essayet i «Refrenger» fortel Pedro Carmona-Alvarez at han ville skrive ei bok om korleis songar og forteljingar har fungert som både underhalding og danning for han. Då han skulle samle tekstane sine, pressa oppveksten og familieforteljinga seg på, og det blei nødvendig å fortelje om fortida – om familiens flukt frå Chile til Norge, på grunn av farens politiske motstandsarbeid under militærdiktaturet til Augusto Pinochet, og om erfaringane med å vekse opp som tospråkleg innvandrar i Norge på 1980-talet.