Dei fleste og største vasskraftutbyggingane i Norge fann stad dei første tiåra etter krigen. No er desse utbyggingane nedbetalte. Endå om det er mykje sløsing med straum i Norge, har me med få unntaksår hatt eit eksportoverskot. Vasskraftutbygging gir oss to fordelar, den bidreg ikkje til global oppvarming, og den kan brukast når den trengst mest og ikkje berre når vinden blæs eller sola skin. Nedbøren blir samla vår og sommar, mellomlagra i reguleringsmagasin og brukt når fyringsbehovet er stort eller industrien treng energi. Det er som millionar varige, sollada batteri.