Partiet «Folkeaksjonen nei til meir bompengar» ser for tida ut for å kunna få stor oppslutning ved kommunevalet til hausten. Men sterk vekst på mange meiningsmålingar dei siste månadane har gitt eit tilsvarande kritisk søkelys tilbake på partiet. Det er mange som har peika på at mykje i programma deira både er usamanhengande, sjølvmotseiande og direkte feilaktig. Ei sentral talskvinne for partiet, andrekandidaten på Oslo-lista, Cecilie Lyngby, vart utfordra på korleis partiet til dømes skal finansiera lovnadane sine. Ho svara til Dagsavisen nyleg at det kunne ho ikkje svara på, og la til at det hadde ho heller ikkje lov å svara på, for korleis det skulle finansierast hadde dei ikkje funne ut.

Norvald Mo er gjesteskribent i Fokus-spalta.