Anne Bitsch si omtale av boka mi om valdtektsstraffebodet (Klassekampen 22. juni) inviterer til svar. Omtalen av synspunkta i boka er til tider misvisande. Det er ingen «strid om» kor vidt ordlyden i straffebodet i dag omfattar tilfelle der er det berre er verbal avvising frå den som vert utsett for seksuell omgang med ein annan – og det er heller ikkje hevda i boka. Til drøftinga mi av situasjonar med utydelege responsar frå den eine parten når den andre tek seksuelle initiativ, skriv ho at det er «påfallende at premisset om at den passive part – som oftest kvinnen – må ta ansvar for den aktive parts – som oftest mannen – seksuelle ønsker, ikke diskuteres mer i dybden».