J.R.R Tolkiens kultstatus vart stadfest av Peter Jacksons suksessrike og økonomisk lukrative filmatiseringar av «Ringenes Herre» og «Hobbiten». Resten av forfattarskapen til «språknerden» er langt vanskelegare å omsetja til underhaldningsfilm. Det «naturlege» valet for ein filmbransje som vil halda fram med å utnytta Tolkien-interessa, er då å laga ein biografisk film om korleis forfattaren kom til å skriva dei mest kjende verka sine. Eit slikt innskrenka motiv ser ut til å ha styrt «Tolkien».