Då Algerie vann krigen om frigjering frå Frankrike i 1962, flykta Alice Zeniter sin bestefar til Frankrike. Han blei nemleg sett på som ein harki – ein som støtta franskmennene under krigen. Barnebarnet Alice veks opp i Normandie med ein algerisk far og ei fransk mor. Allereie 31 år gammal fekk Zeniter Goncourt des lycéens (tilsvarande Ungdommens kritikarpris), for romanen «Kunsten å miste». Den ligg no føre på norsk, på same tid som forfattaren gjestar Litteraturfestivalen i Lillehammer. Romanen tek føre seg tre generasjonar i ein fransk-algerisk familie med ein bakgrunn som liknar Zeniter sin eigen: Ein bestefar som flyktar frå krigen, sonen hans, som veks opp i eit nytt land, og barnebarnet Naïma, som lever eit fransk liv utan mykje kunnskap om eiga familiehistorie, ei historie ingen har ønskja å snakke om. 13. mars møtte eg Alice Zeniter til ein samtale på Litteraturhuset i Oslo.