Du kan bla til neste sideBla med piltastene

I 1819 tok Gerhard Munthe venen Johannes Flintoe med heim til Sogn. Det vart startskotet for nasjonalromantikken.

Den fyrste kunstreisa

Med andre ordBjørn Sverre Hol Haugen
NATUREN I FOKUS: Fjell, fjord og fossefall vart hovudmotiv i Flintoe sin utstilling året etter besøket hjå Munthe-familien i Sogn. Enno var ikkje folkelivet komen inn i motivkrinsen. ILLUSTRASJON: JOHANNES FLINTOE, «FRA YTRE KROKEN I SOGN» (1820)/NASJONALMUSEET

Den 8. mai i 1819 sitt pensjonert major Hartvig Munthe på garden sin Ytre Kroken i indre Sogn og skriv brev. Han skriv til eldste sonen sin, Gerhard, som alt i mange år har budd i Christiania. Nå skal odelsguten endeleg komma heimatt på visitt. Det er lenge sidan sist; ikkje sidan jula 1816 såg dei han heime. Far Munthe gler seg over at sonen tar med seg ein ven denne gongen. Det er kunstmålaren Johannes Flintoe.