«Skal du til GRANKA?» Eg såg sjokket i augo til venninna mi. Ho hadde akkurat lagt ut om ferien på yoga-og-lågkarbonavtrykk-retreat i indre Kambodsja. Der hadde dei chanta heile dagen og teke MDMA heile natta og plukka litt plastsøppel i naturen. Eg kontra med å fortelja om mine planar: drikka drinks med besto og eta vaflar laga av vaskeekte misjonsnordmenn på Gran Canaria. «Det blir faktisk kanskje høgdepunktet i livet mitt», sa eg optimistisk.