Euronext la i går fram det varsla bodet på Oslo Børs VPS. Bodet har akseptfrist om fire veker, men aksjonærane blir bedne om å vente på børsstyrets avgjerd. I tilbodsdokumentet som vart lagt fram i styret i holdingselskapet Oslo Børs VPS måndag, blir planane og ambisjonane etter eit eventuelt oppkjøp skildra. Tilbodet er som tidlegare varsla på 6,24 milliardar kroner for alle aksjane i det norske børsselskapet. Det svarar til 145 kroner per aksje – sluttkursen for Oslo Børs VPS 17. desember. Går oppkjøpet gjennom, vil Oslo Børs gå frå å vere ein sjølvstendig institusjon til å bli ein del av eit europeisk konsern.©NPK