Starten på eit nytt år er eit godt tidspunkt for politikarar å formidla kva dei vil framover. Eitt ord har gått igjen i ulike intervju med fleire av regjeringsmedlemene dei første dagane av 2019. Det er inkluderingsdugnad. Det er eit flott ord samansett av to sentrale norske verdiar: alle skal med og fleire må stilla opp for å oppnå målet. Regjeringa vil ha fleire i jobb, og særleg dei som slit med å få seg arbeid og som står eit godt stykke utanfor arbeidslivet.