Verda som me kjenner henne er i ferd med å rasa saman. I alle fall dersom «me» er den opplyste, liberale eliten. Me trudde at demokratiet var ein fredeleg kappestrid mellom nesten like politiske parti. Me såg aukande frihandel og globalisering som ei både uunngåeleg og ønskeleg utvikling, nært knytt til spreiinga av liberale verdiar. Når folk fekk internett, ville dei ta eit oppgjer med diktatura og slutta opp om likestillinga. Trudde me. Så kom Trump, Brexit og fake news.