Når versalar blir skifta ut med små bokstavar, kan mangt skje. For eksempel kan NATO skrivast som «Nato». Dei fire bokstavane kan ikkje då utan vidare bli forstått som ei forkorting. Dei byr seg fram som eit namnord. Ei slik forveksling skjer særleg lett i dag, for det finst så mange jålete og tøvete firmanamn, for eksempel Novatis Fix, Equinor, OsloMet, for å ta eit lite utval. Få undrar seg då over kva dei fire bokstavane N – A – T – O refererer til. Men kvifor er det eit problem, vil somme spørje. – Er det ikkje like greitt at folk les Nato som namnet til den vestlege militæralliansen?