«The Affair» frå 2014 er blant dei beste og mest velspelte tv-dramaa på denne sida av tusenårsskiftet. Med utgangspunkt i ein tankelaus sommarflørt mellom ein gift familiefar med forfattarambisjonar og ei yngre kvinne i eit sorgtyngd ekteskap, spinn serien ei spanande, flau, fortvilande, tragikomisk og framfor alt psykologisk truverdig historie om menneskeliv som går i oppløysing.