«Underdog» blir både konkretisert og metaforisk utvida i «Isle of Dogs», Wes Andersons Sølvbjørn-vinnar og publikumsfavoritt frå Berlinalen. All-alderfilmen er eit innhaldsrikt og underhaldande eventyr om den foreldrelause tolvåringen Atari (Koyu Rankin) og hans dramatiske rømming for å finna hunden sin, Spots (Liev Schreiber). Samstundes er «Isle of Dogs» like mykje ein velregissert visuell og tematisk leik med (populær)kultur og politikk.