Framstegspartiets Ketil Solvik-Olsen var i dei raudgrøne åra ein opposisjonspolitikar som var vond å møte. Han kjem frå oljefylket Rogaland og jobba med energipolitikk, og var kompetent, snartenkt og frekk. Det er eigenskapar han tok med til posten som Erna Solbergs samferdselsminister, og han har sidan maktskiftet i 2013 vore ein av Frps sterkaste statsrådar. Det er ikkje lett å få ram på Solvik-Olsen, sjølv om hans standardsvar ved å skulde alle problem på dei raudgrøne forgjengarane blir meir parodisk for kvart år.