For den som har lese Naja Marie Aidts opprivande bok om sonens dødsfall, «Har døden tatt noe fra deg så gi det tilbake. Carls bok» (meldt på side 10-11), kan det verke utenkjeleg at det skal ha kome ut ei dansk bok med større kraft i 2017. Førre veke blei likevel Lone Aburas tildelt Montanaprisen, som også Aidt var nominert til, for tjue sider prosa og like mange sider med illustrasjonar av Mo Maja Moesgaard. «Det er et jeg der taler (regnskabets time)» er sjangerfesta som «agitprop», altså agitasjonspropaganda. Sjangeren oppstod i Sovjet, i bolsjevikpartiets departementet for agitasjon og propaganda, og har såleis både svin på skogen og dårleg ry. I dag blir nemninga ofte brukt nedsetjande om politisk litteratur.