ØKONOMI: Ved årsskiftet fekk 140.600 personar arbeidsavklaringspengar. Det er 5600 færre enn for eitt år sidan, opplyser Nav. – Dei siste fem åra har talet på mottakarar av arbeidsavklaringspengar gått ned med omtrent 5000 personar kvart år, og den stabile nedgangen har halde fram gjennom 2017, seier arbeids- og velferdsdirektør Sigrun Vågeng. Talet på 140.600 personar svarar til 4,2 prosent av befolkninga i alderen 18–66 år. For over 70 prosent av dei som får arbeidsavklaringspengar, er årsaka psykiske lidingar eller muskel- og skjelettlidingar, ifølgje Nav.©NPK