For dei som ikkje kan få nok av det britiske kongehuset, som vil lada opp til neste års bryllaup, eller berre liker vellaga periodedrama, er det mykje å gle seg til i «The Crown». Serien om Elisabeth II si lange regenttid går inn i sin andre sesong frå 8. desember. Vi er ikkje komne lenger enn til 1957, og Suez-krisa står for døra, samstundes som ekteskapet mellom Elizabeth og Philliph òg er i ein slags kaldkrigstilstand. Clarie Foy spelar framleis dronninga, og Peter Morgan («The Queen») står som serieskapar. Serien er ein av hovudsatsingane til Netflix i julemånaden. Desember byr elles på interessante dokumentarar for den som ønskjer å motprogrammera litt i den sentimentale adventstida.