Årets store snakkis i fellesferien var då rikskjendis og lærar Håvard Tjora gjekk ut i NRK og forklarte at han no får problem med å søke seg jobb i skulen. Etter meir enn 16 års erfaring, som forfattar av fagbøker i matematikk, kurs og seminar for tusenvis av lærarar, har norske politikarar frå Venstre, Høgre, Frp og Arbeidarpartiet formelt «avskilta» undervisingsretten i fleire fag til Tjora og tusenvis av andre lærarar. Dei har no i ein overgangsperiode på 10 år, fram til 2025, lov til å undervise på dispensasjon, om ikkje skulane finn nokon som er meir kvalifisert. Det skjer sjølv om mange har formelle studiepoeng i faga dei har undervist i, og ikkje minst lang erfaring som lærar.