TRE: Når Elkem no gjer det grøne skiftet frå fossilt kol til trekol, reiser dei ut i verda for å finna skog. Norsk skognæring er for lite utvikla, seier selskapet. Dei vil ha statleg støtte til skogimporten.

Elkem AS jobbar hardt med ein plan for å få ned klimautsleppa frå sine norske smelteverk med 40 prosent innan 2040. I dag blir fossilt kol brukt i smelteomnane i prosessen med å framstilla silisium mellom anna til solindustrien. No vil dei i stor skala gå over til biokarbon i form av trekol og treflis.