Uttydingi av namnet Ukraina kan vera «grenselandet» mot asiatiske ryttarfolk. Eller ein kan sjå landet som gjenomskore av gamle og nyare grensor millom Aust og Vest. Det siste kjem tydeleg fram dersom ein samanliknar soga åt den gamle storbyen Lviv vest i Ukraina med soga åt storbyen Donetsk i aust der den fastfrosne uppreisten mot leidarane i Kiev har makti. Den aller fyrste venda desse tvo byane kom under same statstaket, var i 1939 etter den tysk-sovjetiske Molotov-Ribbentrop-pakti.