Språkpolitikk har eg skrive lite om – endå så viktig det er. Men i dag skjer det, på grunn av Høgres programkomité. I utkastet til program, lagt fram no i 2017, vil dei «vurdere om språknormeringen for bokmål og nynorsk skal flyttes ut av Språkrådet». Dei ønskjer privatisering. Det sjølvoppnemnde Norske Akademi for Språk og Litteratur (sjå den rettskrivinga) skal ha bokmål, Nynorsk kultursentrum («Aasen-senteret!) skal få lov til å ta seg av rettskrivinga på nynorsk. På Sunnmøre stiller dei seg lunkne, medan leiaren for Akademiet tykkjer dette er «en interessant tanke», jamfør Klassekampen den 13. februar.