Når eg googlar Stig Aasvik, dukkar det opp bilete av bøkene til Lasse Gustavson, Heidi Løke og andre kjendisar som eg, etter å ha lese «Lofotveggen», forstår han har vore skuggeskrivar for. Det dukkar også opp eit bilete av Aasvik kledd i Forfattarlandslaget si trøye (med Klassekampen-logo!), og i bakgrunnen, bak tøyande og bøyande forfattarar som Birger Emanuelsen og Lars Haga Raavand, kven sit der, på tribuna? Det er meg – kritikaren som har fått tilsendt Aasviks nye, sjølvbiografiske roman! Blir det jubling?