•«Vi er opptatt av å redusere forskjellane i Norge,» vart det sagt i Stortingets spørjetime i går. Standpunktet er ikkje særleg originalt. Norge er eit meir egalitært samfunn enn dei fleste andre, og undersøkingar viser at folk flest vil at det skal vera små forskjellar. Dette vart stadfesta i arbeidslivsbarometeret til YS, som Klassekampen skreiv om i går: 51 prosent vil at inntektsforskjellane bør bli mindre, 35 prosent seier at dei bør vera på same nivå som i dag, mens berre 8 prosent av dei spurde vil ha auka forskjellar. Det folkelege ønsket om utjamning og små forskjellar står så sterkt at det ikkje er politisk mogeleg å argumentere imot det.