Marte Gerhardsen og tankesmia Agenda har klart å skaffe seg ei veldig spesiell rolle i norsk politikk, som ein slags familierådgivar for stortingspartia i sentrum og på venstresida. I går samla dei eit imponerande utval av partileiarar, fylkes- og storbypolitikarar og partistrategar. Eliten i Ap, Sp, SV, MDG og Venstre gjekk inn den same døra til møterommet i Oslo, til tonane av beroligande taffelmusikk. KrF var nemleg allereie på plass, og ved flygelet satt nestleiar Dagrun Eriksen.